UN BILANCIU, SPECHJU DI E STRATEGIE ECUNOMICHE È PULITICHE DI A CCI

L’azzione di a Camara di Cummerciu è d’Industria d’Aiacciu è di Corsica Suttana ùn n’hà cà un solu scopu : Cuntribuisce à u sviluppu è à a crescità di i risultati di l’imprese di u nostru territoriu.

• BILANCIU 2010 : Circa 80 millioni d’euro.

Un numeru impurtante per l’eserciziu buggettariu 2010 : 32 millioni d’euro d’investimenti in li Cantieroni di a CCI.

Principali Cantieroni

• Accunciamenti purtuarii

- Accunciamentu di u golfu d’Aiacciu, di u quale u schema direttore hè statu accettatu di ghjinnaghju di u 2010 da l’assemblea di Corsica.

- Sviluppu è mudernisazione di e strutture in li porti di Prupià è di PortiVechju, cù un a vulintà : Salvà i punti culturali di ogni portu, valurizà l’acquisti è assicurà e so ambizione in termini di sviluppu longu è di qualità di vita.

• Creazione di 1200 piazze d’ingaratoghju in lu centru cità d’Aiacciu

- A custruzzione di un ingaratoghju à piani di 1200 piazze à u Marcunaghju ghjuvarà di migliurà a circulazione, di fà cresce a frequentazione di i cummerci di u centru cità Aiaccinu.

• Sviluppu di u turisimu d’affari

- Accunciamentu di l’aerugara di Figari Corsica Suttana dedicata à l’aviazione d’affari

- Accunciamentu di u Salone di Mostre di u palazzu di i cungressi, in un spaziu plurifunziunale muvevule, da sviluppà l’attività Cungressi maiò, è prugramà avenimenti culturali.

A CCI hà per scopu di sviluppà di più u turisimu d’affari in l’isula, chì hè unu di i soli settori d’attività chì cuntribuisce di manera trasvervale à u successu di una regione è custituisce una di e risposte adatte à e scumesse economiche à vene, chì stu turisimu ùn si face micca solu d’estate.