Missione / Incaricu
Stabilimentu publicu dedicatu à l’imprese è
à l’ecunumia di a Corsica Suttana...
A Camara di Cummerciu è d’Industria d’Aiacciu è di a Corsica suttana hè à u serviziu di tutte l’imprese qualsiasianu a so statura , a so attività è u so locu geugrafficu.
Creatata da u decretu di u 4 Aostu di u 1899, a CCI d’Aiacciu è di a a Corsica Suttana, preseduta da Paul-Dominique MARCAGGI, raprisenta l’interessi di u cummerciu, di l’industria è di i servizi.
E so prerugative sò definite da a legge è hè sottumessa à a tutela amministrativa.
A CCI d’Aiacciu è di a Corsica Suttana raprisenta più di 9400 imprese.
E so missione sò numarose è trasversale, si sparghjenu in giru à 3 assi maiò :
- serviziu direttu à i cummerci è l’imprese
A missione storica di a CCI hè di mette in ballu servizi d’aiutu à l’imprese ( accumpagnamentu, cunsigli, furmalità , animazione di a rete economica) longu à u so campà . A Cci d’Aiacciu è di a Corsica Suttana hè un arnese di vicinanza di primura per i so dipendenti..
- Furmazione
Amparera, furmazione iniziale è furmazione cuntinua, A CCi face tutu per prupone furmazione appruntate cù u cuncorsu di l’imprese da risponde à i so bisogni. Ste furmazione appruntate anu u listessu scopu : devenu esse adatte à a rete economica di a nostra regione è prupone suluzione specifiche;
- Valurisazione è gestione di l’attrecci strutturanti
Indispensevuli per a sviluppu economicu di a nostra regione : U palazzu di i cungressi, arnese di sviluppu di u turisimu d’affari longu à l’annu, appartene à a CCI chì u gestsce.
A Camara hà a cuncessione di L’aeruporti Napulione Bunaparte d’Aiacciu è di Figari Corsica Suttana, di i porti di cummerciu d’Aiacciu, di Prupià , di PurtiVechju è di Bunifaziu è di u portu Tino Rossi d’Aiacciu.
Face a sfruttera è a prumuzione di isse strutture è, stabilisce e pulitiche d’investimentu chì e cuncernenu. Ste respunsabilità sò pigliate in cura in cumpagna cù e cullettività prupietarie di l’attrecci purtuarii è aerupurtuarii.